النهارده هنتكلم عن خيارات المطور developer options الموضوع ممكن طويل بس هيفيدك:
ال developer options بتبقى مخفيه وده عشان محدش يلعب فيه وخلاص وياريت ماتلعبش فيهم لو مش فاهم انت بتعمل ايه كويس اولا: عشان تظهر الخيارات دي بنروح ل settings-about device-build number واضغط عليها كذا مره لحد مايكتبلك انها اتفعلت هنرجع للاعدادت تاني هنلاقيها ظهرتلنا ندخل بقا للشرح الاعدادت دي1-Take bug report:
و دي من خلالها بتقدر تبعت ايميل بالاخطاء الموجوده في الفون
2-Desktop backup password:
ده بتعمل بيه نسخ احتياطي وبتدخل كلمه سر عشان تحمي ملفاتك من ان حد ممكن يوصلها حتى انت شخصيا لو مش معاك باسورد مش هتعرف توصلها
3-Stay awake:
وده عند تفعيله الشاشه ماتقفلش اثناء الشحن
4-Bluetooth HCI snoop log:
وده لما بتفعله بيسمحلك تأخد وتحلل حزم ال HCI والملفات دي بتكون موجوده في ملف sd card/btsnoop_hci.log
5-Runing services:
و ده بيخليك تعرض العمليات اللي شغاله على الفون وتتحكم فيها وتقفلها لو عايز
6-USB debugging:
وده من اهم الخيارات وتقريبا كله يعرفه مهم تفعيله في حاله عمل الروت او الروم لانه بيصحح اخطاء اليو اس بي لما بتوصل الفون بالكمبيوتر
7-Revoke USB debugging authorizations:
بيمسح كده لاجهزه اللي كان الفون عاملها USB debuugging لما تيجي توصل اليو اس بي بالاجهزه دي تاني هيكون كأنك اول مره تعمله
8-Include bug reportts in power menu:
ده بيظهرلك تقرير الاخطاء في قائمه الباور تحت الريستارت
9-Mock locations:
بيسمحلك انك تكتب الموقع يدويا يعني تغير براحتك بقا وده مفيد جدا في حكايه التطبيقات والخدمات المحجوبه
10-Select debug app:
تحديد التطبيقات لاصلاح اخطائها بتمنع رسايل الاخطاء اللي بتجيلك وانت مشغل التطبيقات وبتساعد المطورين في التأكيد ان تطبيقاتهم شغاله تمام
11-Wait for debugger:
وده بيتفعل لما تختار تطبيق للتصحيح وبيمنع التطبيق من انه يشتغل لحد مايصحح الاخطاء اللي ف التطبيق ده
12-Verify apps over USB:
لما بتفعله بيسمح لتطبيقات فحص جوجل يبحث عن اي اخطاء في الهاتف
13-Agressive Wi-Fi/cell handover:
لو انت مشغل الوايفاي واشارته بطيئه (ده العادي عندنا) بيبدل للداتا وده مفيد ف حاله لو بتحمل حاجه
14-Show touches:
بيخلي التاتش مرئي لو لمست الشاشه بيظهرلك مكان اللمسه دايره بيضا
15-Pointer location:
بيظهرلك خط على المكان اللي لمسته
16-Show surface updates:
وده بيخلي زي م انتوا مش شايفين الشاشه تعمل فلاش مزعج لما تلمسها
17-Show layout boundaries:
بيحط حدود فاصله بين العناصر
18-Force RTL layout:
بيخلي اتجاه اللغه من اليمين للشمال
19-Window animation scale:
20-Transition animation scale:
21-Animator duration scale:
من خلالهم تقدر تخلي الجهاز اسرع ف التنقل بين الشاشات والصفحات عن طريق انك تخلي كل قيمه فيهم 0.5 وتقليل وقت الانيميشن.
22-Simulate secondary displays:
بيسمحلك انك تستعرض احجام مختلفه للشاشات على الشاشه الرئيسيه
23-Force GPU rendering:
بيستخدم في تسريع التطبيقات ويمنعها من انها تعلق
24-Show GPU view updates:
بيخلي الشاشه تعمل فلاش احمر لما يستخدم معالج الرسوميات
25-Show hardware layer updates:
بيعمل وميض اخضر لما تيجي طبقه فوق طبقه (مثال انت مشغل الفيسبوك وتيجيلك رساله من الواتس فتحته فوق الفيس هيظهرلك الوميض ده)
26-Force 4x MSAA:
MSAA اختصار ل Multi-sample anti-aliasing ودي خاصيه في
اجهزه الكمبيوتر والهواتف بتستخدم عشان تستمتع بصوره ووضوح
عالي للصوره في الالعاب ثلاثيه الابعاد اربع اضعاف العادي طبعا ده بيزيد التحميل على الرام والمعالج
27-Turn off hardware overlays:
خاص بتراكبات الجهاز وتفعيله بيحتاج يستخدم معالج الرسوميات دايما
28-Strict mode:
وضع التقيد فيه الشاشه بتعمل فلاش لما يكون في عمليات طويله ومكثفه
29-Show CPU usage:
بيعرضلك العمليات اللي بيعملها البروسيسور في الوقت الحالي
30-Do not keep activities:
بيعمل ايقاف اجباري لاي تطبيق بمجرد ماتتطلع منه
31-Background process limit:
من خلاله تقدر تحدد عدد العمليات اللي بتم في الخلفيه بحد اقصى 4 عمليات
دي نقريبا كل الخيارات ممكن يكون عند حد منكم خيارات زياده وحد تاني مش موجودين كلهم
لا تنسا ان تكن من أعضاء المدونة من هنا , إذا واجهتك اي مشكلة لا تترد فى ترك تعليق
تعليقات
إرسال تعليق